शेतकामात असताना रानडुकराच्या भीषण हल्ल्यात गंभीर जखमी झालेल्या महिलेच्या मदतीसाठी सावळेश्वर येथील तरुण धावून आले आहेत. घरची परिस्थिती अत्यंत बिकट असलेल्या करुणा दलितानंद काळबांडे यांच्या उपचारासाठी सोशल मीडियाच्या माध्यमातून २८,६०९ रुपयांचा निधी जमा करून तो त्यांच्या कुटुंबाकडे सुपूर्द करण्यात आला. तरुणांच्या या संवेदनशीलतेमुळे परिसरातून त्यांचे कौतुक होत आहे. सावळेश्वर येथील करुणा काळबांडे या शेतात कापूस वेचणी करत असताना अचानक एका रानडुकराने त्यांच्यावर हल्ला केला होता. या हल्ल्यात त्या गंभीर जखमी झाल्या होत्या. त्यांच्यावर यवतमाळ येथील रुग्ण…
ढाणकी प्रतिनिधी - रात्रीचा घनघोर अंधार, निर्जन माळरान, स्कूल बसचे एकापाठोपाठ दोन्ही टायर पंक्चर आणि बसमध्ये भीतीपोटी व्याकुळ झालेली लहान मुले व महिला... अशा अत्यंत भीतीच्या सावटात प्रसंगामध्ये महागाव आणि बिटरगाव पोलिसांनी दाखवलेली तत्परता माणुसकीचे प्रतीक ठरली आहे. दोन पोलीस ठाण्यांच्या समयसूचकतेमुळे एका संभाव्य मोठ्या संकटाचे निवारण झाले असून, प्रवाशांनी पोलिसांच्या या मदतीबद्दल कृतज्ञता व्यक्त केली आहे. एका खाजगी कार्यक्रमानिमित्त पुसद येथे गेलेली एक स्कूल बस रात्री १:०० च्या सुमारास प्रवाशांना घेऊन ढाणकीकडे परतत जात होती. महागाव पोलीस ठाण्य…
ढाणकी प्रतिनिधी - परिसरातील ४० पेक्षा जास्त गावांसाठी व्यापाराचे प्रमुख केंद्र असलेल्या ढाणकी शहरात गेल्या अनेक दिवसांपासून वाहतूक कोंडीने नागरिक हैराण झाले होते. या समस्येची गंभीर दखल घेत बिटरगाव पोलीस आणि वाहतूक विभागाने सोमवारी संयुक्त मोहीम राबवली. या धडक मोहिमेत २१ बेशिस्त वाहनधारकांवर दंडात्मक कारवाई करण्यात आल्याने बेशिस्त चालकांचे धाबे दणाणले आहेत. ढाणकी ही या भागातील मोठी बाजारपेठ असल्याने येथे दररोज हजारो नागरिकांची वर्दळ असते. मात्र, शहरात हक्काची पार्किंग व्यवस्था नसल्याचा फायदा घेत अनेक वाहनचालक आपली वाहने रस्त्यावरच कोठेही उभी …
ढाणकी प्रतिनिधी : महाराष्ट्र राज्याचे उपमुख्यमंत्री आणि जनसामान्यांचे नेते अजित पवार यांना श्रद्धांजली अर्पण करण्यासाठी काल ढाणकी शहरात अभूतपूर्व 'कडकडीत बंद' पाळण्यात आला. स्थानिक व्यापारी, विविध संघटना आणि नागरिकांनी पुकारलेल्या या आवाहनाला शहरात १०० टक्के प्रतिसाद मिळाला असून, संपूर्ण बाजारपेठेत शांतता पसरली होती. सकाळी नऊ वाजल्यापासूनच ढाणकीतील सर्व छोटी-मोठी दुकाने, मुख्य बाजारपेठ आणि व्यावसायिक प्रतिष्ठाने बंद ठेवण्यात आली. केवळ अत्यावश्यक सेवा वगळता सर्व व्यवहार थांबवून नागरिकांनी आपल्या लाडक्या नेत्याप्रती आदर व्यक्त केला. शहरा…
ढाण की प्रतिनिधी: येथील दत्त मंदिर परिसर, टेंभेश्वर नगर येथे प्रजासत्ताक दिनाचे औचित्य साधून आयोजित करण्यात आलेली 'ढाणकी प्रीमियर लीग (२०२६)' अत्यंत चुरशीच्या वातावरणात पार पडली. मॉर्निंग क्रिकेट क्लबच्या वतीने आयोजित या स्पर्धेत 'मॉर्निंग वॉरियर्स' संघाने आपल्या अष्टपैलू खेळाच्या जोरावर विजेतेपदावर नाव कोरले. गेल्या तीन वर्षांपासून क्रिकेट प्रेमी या स्पर्धेची आतुरतेने वाट पाहत होते. यावर्षी एकूण ८ ताकदवर संघांमध्ये ही लढत रंगली. अंतिम सामन्यात 'मॉर्निंग वॉरियर्स' आणि 'टीचर इलेव्हन' यांच्यात अटीतटीची लढत पाहाय…
ढाणकी प्रतिनिधी: एकीकडे शहरांचा विस्तार वाढत आहे, नागरी समस्या जटील होत आहेत, मात्र प्रशासकीय पातळीवर ढाणकी शहराच्या नशिबी अद्यापही 'प्रभारी' कारभारच असल्याचे दिसून येत आहे. सध्या उमरखेडचे मुख्याधिकारी डॉ. अजय कुरवाडे यांच्याकडे उमरखेड नगरपालिकेसह महागाव आणि ढाणकी अशा दोन महत्त्वाच्या नगरपंचायतींचा पदभार आहे. एकाच अधिकाऱ्याकडे तीन शहरांची जबाबदारी असल्याने ढाणकीच्या विकासकामांचा 'वेग' मंदावला असून, शहराला पूर्णवेळ मुख्याधिकारी कधी मिळणार, असा सवाल आता नागरिक विचारत आहेत. डॉ. अजय कुरवाडे हे सक्षम अधिकारी आहेत परंतु उमरखेड सारख…
ढाणकी प्रतिनिधी - गेल्या अनेक दशकांपासून केवळ कागदावरच असलेल्या सहस्रकुंड जलविद्युत आणि सिंचन प्रकल्पाला आता खऱ्या अर्थाने गती मिळाली आहे. ढाणकीचे माजी नगराध्यक्ष सुरेश नारायणलाल जयस्वाल यांनी प्रशासनाकडे लावलेल्या धडाकेबाज पाठपुराव्यामुळे हे शक्य झालेले आहे. त्यांनी घेतलेल्या पत्रकार परिषदेमध्ये सदर माहिती दिली. यामुळे प्रकल्पाचे सकारात्मक चित्र समोर आले असून, यवतमाळ आणि नांदेड जिल्ह्यातील शेतकऱ्यांच्या आशा पल्लवित झाल्या आहेत. काय आहे प्रकल्पाचे स्वरूप? पैनगंगा नदीवर मौजे कोठा तांडा येथे हा प्रकल्प प्रस्तावित आहे. या प्रकल्पाची काही प्रमुख व…
ढाणकी प्रतिनिधी- येथील मुरली बंधाऱ्यात पोत्यात बांधलेल्या अवस्थेत आढळलेल्या एका ३० ते ४० वयोगटातील तरुणाच्या मृतदेहाचे गूढ 14 दिवस उलटूनही कायम आहे. मृताची ओळख पटवणे पोलिसांसमोर मोठे आव्हान ठरले असून, आता या प्रकरणाचा तपास महाराष्ट्र ओलांडून तेलंगणा आणि आंध्र प्रदेशपर्यंत पोहोचला आहे. मृताचा चेहरा पूर्णपणे कुजलेल्या अवस्थेत असल्याने ओळख पटवण्यात अडचणी येत आहेत. यावर उपाय म्हणून बिट्टरगाव पोलिसांनी पुणे येथील तज्ज्ञांकडून मृताचे 'डिजिटल स्केच' तयार करून घेतले आहे. या स्केचच्या आधारे आता विदर्भ, मराठवाडा आणि तेलंगणा राज्याच्या सीमावर्ती…
ढाणकी प्रतिनिधी: मुळावा येथील ऐतिहासिक धम्मदूत बुद्धविहार येथे दरवर्षीप्रमाणे याही वर्षी १ आणि २ फेब्रुवारी २०२६ रोजी 'अखिल भारतीय बौद्ध धम्म परिषदेचे' भव्य आयोजन करण्यात आले आहे. मात्र, या परिषदेकडे जाणाऱ्या मुख्य रस्त्यांची अवस्था अत्यंत दयनीय झाली असून, प्रशासनाने याकडे तातडीने लक्ष देऊन डांबरीकरण करावे, अशी मागणी अॅड. डी. के. दामोधर यांच्या नेतृत्वाखाली निवेदनाद्वारे करण्यात आली आहे. आंतरराष्ट्रीय स्तरावरील मान्यवरांची उपस्थिती. या दोन दिवसीय धम्मपरिषदेसाठी श्रीलंकेचे खासदार पू. भदंत अतुरलिये रतन धेरो हे उद्घाटक म्हणून उपस्थित राहण…
ढाणकी प्रतिनिधी: मकरंसंक्रांत या सणाची महिला मोठ्या उत्साहाने वाट पाहत असतात. या सणाला महिला आपापल्या घरी मोठ्या आनंदाणा साजरे करतात. आपल्या गावातील परिचित सर्व महिला यांना बोलावून त्यांना हळदीकुंकू लावून,तीळ गूळ, वाण देऊन स्वागत केल्या जाते. स्वरांगिणी दुर्गोत्सव मंडळाच्या वतीने मकर संक्रांतीच्या निमित्ताने 'हळदी-कुंकू' कार्यक्रमाचे भव्य आयोजन करण्यात आले होते. या कार्यक्रमाला गावातील महिलांनी उत्स्फूर्त प्रतिसाद दिला असून, सुमारे २०० ते ३०० महिलांची उपस्थिती होती. भारतीय संस्कृतीतील सण-उत्सवांचे जतन करण्यासोबतच महिलांचे संघटन मजबूत…
ढाणकी प्रतिनिधी: येथील जिल्हा परिषद उर्दू हायस्कूलच्या शाळा व्यवस्थापन समितीच्या अध्यक्ष आणि उपाध्यक्ष निवडीचा कार्यक्रम नुकताच उत्साहात पार पडला. यामध्ये सय्यद बबलू सय्यद सरदार यांची अध्यक्षपदी, तर शेख जुबेर शेख हबीब यांची उपाध्यक्षपदी सर्वानुमते निवड करण्यात आली आहे. स्थानिक पातळीवर ही निवडणूक अत्यंत प्रतिष्ठेची मानली जात होती. शाळा व्यवस्थापन समितीच्या निवडीकडे संपूर्ण परिसराचे लक्ष लागले होते. अखेर, सदस्यांच्या चर्चेनंतर आणि सर्वांच्या संमतीने ही निवड करण्यात आली. नवनिर्वाचित पदाधिकाऱ्यांचे सर्व स्तरातून अभिनंदन होत आहे. निवड प्रक्रिया पा…
ढाणकी नगरपंचायतीच्या सन २०२६ या वर्षासाठीच्या विविध विषय समित्यांच्या निवडीची प्रक्रिया नुकतीच उत्साहात पार पडली. विषय समित्या निवडी वेळी नियोजन समिती वगवण्यात आली. नियोजन समिती वागळल्या मुळे चार समितीवर सत्ता धारी व विरोधक यांना समाधान मानावे लागले. दोन्ही बाजू कडे समसमान संख्याबळ असल्यामुळे आज होणाऱ्या विषय समित्या कडे नागरिकांचे लक्ष लागून होते. उपविभागीय अधिकारी सखाराम मुळे यांच्या अध्यक्षतेखाली आणि नगरपंचायत मुख्याधिकारी डॉ. अजय कुरवाडे यांच्या प्रमुख उपस्थितीत ही निवड प्रक्रिया राबवण्यात आली. यामध्ये सत्ताधारी व विरोधक यांच्या कडून चार ह…
ढाणकी प्रतिनिधी: विदर्भ आणि मराठवाड्याच्या सीमेवर असलेल्या प्रसिद्ध सहस्त्रकुंड धबधब्याजवळील पैनगंगा नदी पात्रात एका ३० ते ३५ वर्षीय तरुणाचा मृतदेह गोणीत बांधलेल्या अवस्थेत आढळून आल्याने परिसरात प्रचंड खळबळ उडाली आहे. हा प्रकार प्रथमदर्शनी खुनाचा असल्याचे समोर येत असून, बिटरगाव पोलिसांनी अज्ञात आरोपींविरुद्ध गुन्हा दाखल केला आहे. नेमकी घटना काय? सहस्त्रकुंड धबधबा आणि पैनगंगा अभयारण्याच्या घनदाट जंगलाचा फायदा घेत अज्ञात इसमांनी एका तरुणाची हत्या करून त्याचा मृतदेह गोणीत भरला आणि नदीपात्रात फेकून दिला. काल हा मृतदेह तरंगताना आढळून आल्यानंतर ही…
ढाणकी (प्रतिनिधी): शिक्षण म्हणजे केवळ पदवी मिळवणे नव्हे, तर आयुष्यातील संकटांशी दोन हात करण्याचे बळ मिळवणे होय. हेच ब्रीदवाक्य जपत सुमारे २५ वर्षांपूर्वी बिटरगाव (बु.) येथे विनोद सुधाकर गजभिये या तरुण शिक्षकाने सुरू केलेली 'नापासांची शाळा' आज पुन्हा एकदा चर्चेत आली आहे. प्रतिकूल परिस्थितीत सुरू झालेल्या या 'मुक्तांगणाने' शेकडो मुलींच्या आयुष्याला नवी दिशा दिली असून, ही शाळा पुन्हा सुरू व्हावी, अशी मागणी आता जोर धरत आहे. कुडाच्या घरापासून सुरू झाला प्रवास. बी.एड. पदवीधर असलेले विनोद गजभिये यांनी सामाजिक चळवळीचा वारसा जपत, गावात …
ढाणकी (प्रतिनिधी): मुरली बांधारा परिसरात आज सकाळी एका अज्ञात पुरुषाचा मृतदेह पोत्यात (फारीत) बांधलेल्या अवस्थेत आढळून आल्याने संपूर्ण परिसरात मोठी खळबळ उडाली आहे. सदर इसमाचा खून करून पुरावा नष्ट करण्याच्या उद्देशाने मृतदेह नदीपात्रात फेकला असावा, असा प्राथमिक अंदाज पोलिसांनी वर्तवला आहे. दुर्गंधीमुळे प्रकार उघडकीस मिळालेल्या माहितीनुसार, आज सकाळी काही स्थानिक नागरिक मुरली बांधाऱ्याच्या परिसरातून जात असताना त्यांना उग्र दुर्गंधी आली. परिसरात पाहणी केली असता, पाण्याजवळ एक पोते दोरीने घट्ट बांधलेल्या संशयास्पद स्थितीत पडलेले दिसले. नागरिकांनी त…
ढाणकी नगरपंचायतीच्या नवनिर्वाचित नगराध्यक्षा अर्चना सुंदरकांता वासमवार यांचा पदग्रहण सोहळा आज, ८ जानेवारी रोजी दुपारी १ वाजता नगरपंचायत सभागृहात मोठ्या उत्साहात पार पडला. खासदार नागेश पाटील आष्टीकर यांच्या प्रमुख उपस्थितीत आणि दोन्ही शिवसेना, काँग्रेस एम.आय.एम.च्या नेत्यांच्या साक्षीने हा सोहळा संपन्न झाला. विकासासाठी एकत्र येण्याचे खासदारांचे आवाहन. याप्रसंगी बोलताना खासदार नागेश पाटील आष्टीकर म्हणाले की, "ढाणकीतील मतदारांनी शिवसेनेवर जो विश्वास दाखवला आहे, त्याला तडा जाऊ दिला जाणार नाही. निवडणुका संपल्या आहेत, आता सर्व नगरसेवकांनी म…
काळ झपाट्याने बदलला, काळा सोबत माणसेही बदलली आणि त्यासोबतच वडिलोपार्जित वर्षानुवर्ष जपत चाललेली कलाही हरवत गेली. बहुरूपी कलावंत हा या समाजातील असा उपेक्षित घटक आहे जो काळाच्या ओघात झपाट्याने मागे पडला. वेगवेगळी सोंग घेऊन समाजाचे मनोरंजन करणे हा बहुरूपी कलावंतांचा मुख्य व्यवसाय आणि याच कलेच्या आधारावर त्यांनी वर्षानुवर्षे आपल्या कुटुंबाचा गाडा हाकला. आज A I च्या जगामध्ये बहुरूपी मात्र अशाप्रकारे हरवला की, समोरच्या पिढीला बहुरूपी कोण होता हे दाखवणे सुद्धा दुरापास्त झालेले आहे. सोमवार हा ढाणकी शहराचा बाजारचा दिवस असतो. या दिवशी खेड्यापाड्यातील मो…
मराठी पत्रकारितेचे जनक, आद्य पत्रकार बाळशास्त्री जांभेकर यांची जयंती पत्रकार दिन म्हणून मोठ्या उत्साहात साजरी केली जाते. राज्यभरातील पत्रकार आजच्या दिवशी वेगवेगळे सामाजिक उपक्रम राबवत असतात. आज ढाणकी शहर पत्रकार संघाच्या वतीने दिव्यांग अक्षय सुभाष हापसे ला मदत करून वेगळ्या पद्धतीने बाळशास्त्री जांभेकर यांना आदरांजली वाहण्यात आली. एखादे सामाजिक कार्य सुरू झाले की त्या कार्यात आपला खारीचा वाटा उचलण्यासाठी आपोआपच देणाऱ्याचे हात पुढे येत असतात. ढाणकी नगरपंचायत च्या निवडणुकीदरम्यान मुख्याधिकारी म्हणून नेमणूक झालेले अरुण मोळक यांना दिव्यांग अक्षय ब…
कृषी उत्पन्न बाजार समितीच्या सभागृहात ढाणकी शहर पत्रकार संघाच्या बैठकीचे आयोजन करण्यात आले होते यामध्ये ढाणकी शहर पत्रकार संघाची २०२६ - २७ ची नवीन कार्यकारणी जाहीर करण्यात आली. यावेळी पत्रकार संघाचे मावळते अध्यक्ष ब्रह्मानंद मुनेश्वर यांचा शाल श्रीफळ व पुष्पगुच्छ देऊन सत्कार करण्यात आला व त्यांच्या अध्यक्षतेखाली नवीन कार्यकारिणीचे गठन करण्यात आले असून ढाणकी शहर पत्रकार संघाच्या अध्यक्षपदी संजय भोसले, उपाध्यक्षपदी उदय पुंडे तर सचिवपदी नागेश महाजन यांची सर्वानुमते निवड करण्यात आली. सहसचिवपदी गजानन गंजेवाड, कोषाध्यक्षपदी नंदकिशोर जाधव, प्रसिद्धी…
मध्यवर्ती बँकेच्या निवडणुकीच्या अनुषंगाने, विविध कार्यकारी सोसायटी ढाणकीच्या माध्यमातून, बँक प्रतिनिधी म्हणून सभासद बाबुराव भुजंगराव नरवाडे यांची अविरोध निवड करण्यात आली. दिनांक १८ डिसेंबर २०२५ रोजी तुळशीराम शिवाजी गायकवाड यांनी आणलेल्या सूचनेला, इबादुल्लाखांन बिस्मिल्ला खान पठाण यांच्या अनुमोदनाने, सर्व संचालक मंडळाच्या उपस्थितीत ही निवड प्रक्रिया पार पडली. यावेळी ढाणकी विविध कार्यकारी सहकारी संस्था अध्यक्ष, उपाध्यक्ष सर्व संचालक मंडळ, प्रतिष्ठित नागरिक, संस्थेचे कर्मचारी उपस्थित होते. निवडीचे स्वागत राम देवसरकर, साहेबराव कांबळे, तातू देशमुख…
Social Plugin