राजकारणात अनेकदा पद, सत्ता आणि पक्षबदल यांचीच चर्चा अधिक रंगते. अशा वातावरणात काही माणसे अशी असतात, ज्यांची ओळख केवळ राजकारणापुरती मर्यादित राहत नाही. समाजातील सुख-दुःखात सहभागी होणे, गरजवंतांच्या पाठीशी उभे राहणे आणि विचारांशी एकनिष्ठ राहणे ही त्यांची खरी ताकद ठरते ढाणकी शहरातील याचे जिवंत उदाहरण म्हणजे संभाजी गोरटकर हे अशाच व्यक्तिमत्त्वांपैकी एक आहेत.
मतदानाचा हक्क मिळाल्यापासून शिवसेनाप्रमुख बाळासाहेब ठाकरे यांच्या विचारांशी त्यांची नाळ जुळली. काळ बदलला, पक्षात अनेक घडामोडी घडल्या, अनेक पदाधिकारी वेगवेगळ्या वाटेने गेले; मात्र संभाजी गोरटकर यांनी आपली भूमिका बदलल्याचे दिसून आले नाही. त्यांच्या राजकीय प्रवासात विचारांशी असलेली निष्ठा हा एक ठळक पैलू राहिला आहे.
मात्र त्यांची ओळख केवळ राजकीय कार्यकर्ता म्हणून होत नाही. समाजकार्यातील त्यांचा सहभाग अनेकांना परिचित आहे. एखाद्याला अडचण आली, एखाद्या कुटुंबावर संकट ओढवले किंवा सामाजिक प्रश्नावर आवाज उठवण्याची वेळ आली, तर संभाजी भाऊ उपस्थित राहण्याचा प्रयत्न करतात. त्यामुळे अनेकांच्या दृष्टीने ते केवळ पक्षाचे कार्यकर्ते नसून समाजातील माणूस म्हणूनही ओळखले जातात.
त्यांच्या स्वभावातील साधेपणा हे आणखी एक वैशिष्ट्य आहे. पदाचा किंवा राजकीय ओळखीचा दिखावा करण्यापेक्षा सर्वसामान्यांमध्ये मिसळून काम करण्याची त्यांची पद्धत अनेकांना जवळची वाटते. समाजाशी संवाद, लोकांच्या समस्या ऐकून घेण्याची तयारी आणि मदतीसाठी पुढे येण्याची वृत्ती यामुळे त्यांच्याबद्दल आदर व्यक्त केला जातो.
आजच्या बदलत्या राजकारणात निष्ठा आणि समाजाशी असलेली बांधिलकी या मूल्यांची चर्चा कमी होत असली, तरी अशा मूल्यांना जपणारी माणसे समाजात वेगळी ओळख निर्माण करतात. संभाजी गोरटकर यांचा प्रवास ही अशाच मूल्यांची आठवण करून देणारी कहाणी आहे.
राजकारणात सक्रिय असूनही समाजाशी घट्ट नाळ जुळलेले व्यक्तिमत्त्व म्हणजे संभाजी गोरटकर भाऊ हे नक्कीच एक दिवस राजकारणातील सर्वोच्च पद गाठतील यात दुमत नाही
1 टिप्पण्या
आदरणीय मित्र संभाजी गोरटकर लहानपणापासून आपण एकत्र आहोत तुझा समाजाविषयी असणारा दृष्टिकोन समाजातील गोरगरिबा विषयी असणारे आपुलकी जिव्हाळा प्रेम हे आम्ही पाहतच आलो आहे पण समाजकारणाबरोबर राजकारणात जेव्हा उतरलास तेव्हा तुझी एकनिष्ठता व समाजासाठी काहीतरी करण्याची धडपड कायमच प्रेरणा देत आहे .
उत्तर द्याहटवा